Kvitt gull frå Matterhorn

Spøkelseshistorie

noreply@blogger.com (Matterhorn) — Fri, 25 Jan 2008 10:13:00 +0000

Eg sat heime og såg NRK Drama sin store triumf Skolen på dvd og kjørte i meg sherry, då eg plutseleg høyrde eit brak frå garasjeporten. Eg fann aldri ut kva det var.

På kafé

noreply@blogger.com (Matterhorn) — Tue, 22 Jan 2008 09:29:00 +0000

Då eg strauk gatelangs i går mens eg usjenert tok meg ein kikk inn i alle offentlege møtelokale eg passerte på vegen, tenkte eg på eit tidspunkt og ved eit syn; Er det ikkje..? og Er det ikkje..? Og jaudå, det var sjølvaste Lommemannen som var på kafé med guttekvinnen Barbora. Kva dei samtala om var eg dessverre avskore frå, men det såg ut til at dei bestilt seg kvar sin Kaffe Mocca samt kvar sin skillingsbolle.

2008-barneregle

noreply@blogger.com (Matterhorn) — Sun, 20 Jan 2008 21:13:00 +0000

Eg får bare så klaus. Jaså jaså? Kva er dette som gjev deg klaus? Det er skjerfet, som eg strammar som ein galge. Kva anna er det som gjev deg klaus? Det er mor mi, som gjev meg middag. Kvifor får du klaus av det? Smak på sosen, så skjønar du kva eg meiner.

Laurdag

noreply@blogger.com (Matterhorn) — Sat, 05 Jan 2008 21:17:00 +0000

Det var laurdagskveld, og eg skulle nett til å unne meg sjokoladehjartet eg hadde fått av mor mi til jol med påskrifta "Glad i deg", då det knakka på døra. Eg opna, og der sto svensken. Står du der og frys flettene av deg, ditt gamle troll, sa eg og inviterte han inn. Det blei ein triveleg kveld på mange slags vis, stikkord er pappvin og ein innovativ film om frivillig pedofili. Til slutt tok eg mot til meg og spurte om han hadde lyst til å sove over, men då var det som om begeret flaut over for svensken, og han skulda meg i harde ordelag om å bare "skoja" med han og ikkje respektere statusen hans som uteliggjar.

Vaskevatn til sals

noreply@blogger.com (Matterhorn) — Fri, 04 Jan 2008 14:29:00 +0000

Me fekk i oppgåve å vaske golvet etter ein fest på arbeidsstaden vår, der Jon Fosse var. No sel me vaskevatnet i små kapslar som relikvier. Kjøp genivatn til berre femti kroner!

2009

noreply@blogger.com (Matterhorn) — Mon, 31 Dec 2007 23:54:00 +0000

Godt nyttår, nei, dessverre det blei eit dårleg nyttår. Det verste av dei alle.

Ein dag i mitt liv

noreply@blogger.com (Matterhorn) — Thu, 13 Dec 2007 01:34:00 +0000

Eg vakna med alle kleda på i eit framand rom. Eg var aleine i senga. Framfor vindauga hang det myggnetting, og i det fjerne kunne eg høyre det smertefulle hylet frå ein hyene. Å nei, tenkte eg, dette kan berre bety ein ting: kommunestyremøte.

Dagens uttrykk å kaste opp av

noreply@blogger.com (Matterhorn) — Mon, 10 Dec 2007 22:33:00 +0000

"Barns univers".

Brannkurset

noreply@blogger.com (Matterhorn) — Sat, 08 Dec 2007 18:56:00 +0000

På brannkurset var det tjukt med damer som hadde i oppgåve å respondere på kurshaldarens dusinvise spørsmål av den typen som alle umiddelbart veit svaret på, og som gjer den som opnar munnen og svarar på det til ein idiot. I tillegg måtte desse damene le av den såkalla humoren til kurshaldaren, samt slenge ut lite gjennomtenkte forslag til korleis ein skal sløkke ein ulmebrann. Damene hadde alle på seg tova ullplagg, og då det var snakk om brann i smultgryter, var det mest naturleg for dei å spørje om det var mogleg å sløkke slike brannar med ullpledd.

To skjorter

noreply@blogger.com (Matterhorn) — Tue, 04 Dec 2007 04:55:00 +0000

Nytt motetips (som me ikkje tilrår): to skjorter! Framståande personar som promoterer denne stilen er bassistar i Bergen, og Tore Skoglund. Ta på deg to skjorter i dag og gå ut og gjer verda til di eiga! (men me tilrår det altså ikkje).

Spennande portrett av ei gamal frue

noreply@blogger.com (Matterhorn) — Sat, 01 Dec 2007 21:18:00 +0000

"Det er inga skam å eldast! Det er noko av det flottaste eit menneske kan ta seg til." Dette var bestemor sin faste replikk til meg, mens ho peika på meg og kneip att det eine auget. Den andre faste replikken ho hadde på lager, som ho framsa mens ho gynga det trillrunde hovudet sitt frå side til side, var denne: "Ingenting er verdt nokonting. Ingenting er verdt nokonting."

Laurdag er jentenes dag!

noreply@blogger.com (Matterhorn) — Sat, 01 Dec 2007 13:21:00 +0000

No skal jentene på kafé, og seinare blir det tapas.

Illusjon

noreply@blogger.com (Matterhorn) — Fri, 30 Nov 2007 16:08:00 +0000

Her ein dag blei eg utsett for ein god, gammaldags illusjon. Eg innbilte meg i eit nanosekund at for mykje ironi kan føre til at ein blir til ein uttørka, oppsmuldra tistel.
Men det var altså berre ein illusjon, som sagt.

Medisin med det samma

noreply@blogger.com (Matterhorn) — Fri, 30 Nov 2007 16:03:00 +0000

Då eg var hos doktoren her om dagen av årsakar eg ikkje treng å spreie på internett, spurte han meg om kva for mat eg hadde fått i meg i det siste. Well, sa eg på ein slik måte som bare ei verdsvan kvinne på litt over dei førti kan seie det, det har gått i tapas, for å seie det slik.

3.

noreply@blogger.com (Matterhorn) — Thu, 29 Nov 2007 09:42:00 +0000

Den postmoderne tilstanden kjem til å forverre seg om berre få år.

2.

noreply@blogger.com (Matterhorn) — Wed, 28 Nov 2007 10:24:00 +0000

Folk med veldig langt hår er det all grunn å vere skeptiske til.

95 teser

noreply@blogger.com (Matterhorn) — Wed, 28 Nov 2007 10:10:00 +0000

1. Sjølv det kjekkaste selskap, med den aller beste stemning, kan øydeleggast av at nokon begynner å sitere Walter Benjamin.

Dødsvariasjon

noreply@blogger.com (Matterhorn) — Mon, 26 Nov 2007 17:22:00 +0000

Eg las i avisa om eit menneske som døydde mens ho las i ei bok. Eg blei besatt og las så det freste; kva for ei bok var det?!? Men svaret var skuffande nok ikkje gjeve i artikkelen. Eg har i ettertid kome på ein god del bøker det kunne ha vore, utan å nærme meg sanninga noko meir av den grunn. Så derfor spør eg lesaren; kva for ei bok var det?!?

Siste nytt frå selskapslivet

noreply@blogger.com (Matterhorn) — Mon, 26 Nov 2007 17:16:00 +0000

1. Dersom du skal ta rohypnol, er det best å sniffe det,

og

2. dersom du er koneplagar og skal ta den skamslåtte kona di med på revy, er det best å berre kjøre mellomgolvet i vekene før framsyninga.

Godt nytt

noreply@blogger.com (Matterhorn) — Mon, 26 Nov 2007 10:25:00 +0000

Kva er den øvre aldersgrensa for å gå ut og drikke seg full på byen, utan å skjemme seg ut, for kvinner anno 2007? Før tenkte eg ofte at grensa låg på 30-33 år, til nauds 35, men no ser eg heilt annleis på det.

Menneskekunnskap

noreply@blogger.com (Matterhorn) — Sat, 24 Nov 2007 17:13:00 +0000

Sist eg var på Matterhorn, hadde dei sett opp ein del søppelspann der, eit prisverdig tiltak. Eg sette meg ned på bistroen for å setje til livs ein stor porsjon med kumler, og derifrå fekk eg eit greitt oversyn over søppelspanna. Det var sterkt overraskande kor mange av fjellturistane på veg opp mot toppen som tok ein kikk ned i søppelspanna. Kva ville dei finne der? Noko til å ta med seg til fjells?

Kniven på strupen

noreply@blogger.com (Matterhorn) — Sat, 24 Nov 2007 15:32:00 +0000

I dag hadde eg kniven på strupen, og tenkte å gjere ende på alt, men så kom eg på at det er jo så mykje å gle seg over her i verda!

Litt skummel utvikling

noreply@blogger.com (Matterhorn) — Sat, 24 Nov 2007 14:14:00 +0000

I yrkeslivet hender det frå tid til annan at eg må ha kontakt med lønnskontoret. Det kan dreie seg om spørsmål ang. skattekort, kanskje har ein bruk for eit telefonnummer, osb. Men i den siste tida har eg begynt å ringe sjefen for lønnskontoret på kvelds- og nattestid, gjerne etter ein tur på byen og tapas med jentene. Me held det på eit lett konverserande nivå, men med mykje undertekst, og no nemner han oftare og oftare, liksom tilfeldig, at han kunne tenke seg å få barn med meg.

Lause tankar om skinndød

noreply@blogger.com (Matterhorn) — Sat, 24 Nov 2007 13:07:00 +0000

Ryktene om at skinndød er ein føretrukken tilstand for mange, har eg store vanskar med å tru på. Er det noko eg vil unngå for einkvar pris, så er det å ein dag skulle ligge der skinndød til forlysting for familie og vener. Og om eg vaknar opp av den elendige tilstanden (som ein jo gjer dersom det er snakk om ekte skinndød), til dømes liggande i ei kiste som blir fira ned i tele, kjem eg til å tenke NEI NO!

Skremmande bra møte

noreply@blogger.com (Matterhorn) — Sat, 24 Nov 2007 10:39:00 +0000

Då eg var ute og tok pulsen på byen i går, var eg så heldig å møte ei husfluge av det gode gamle slaget. Konversasjonen mellom oss var like skarp som han var vittig, og eg innrømmer det fyrst som sist; eg blei sjarmert i senk. Folk rundt oss i lokalet virka fulle av misunning på den elegante konstellasjonen. Det må vere dette som kallast god kjemi, høyrde eg dei ropte i munnane på kvarandre. Men det gjekk som det brukar; intensiteten i møtet gjekk over i ein ubehageleg skakk maktfordeling mellom oss, og då han til slutt byrja å hinte frampå om giftarmål, jaga nervøsiteten meg på dør.